Sam Goodman miatras sa engkwentro tali kang Naoya Inoue

Miatras ang kaatbang ni Japanese superstar Naoya Inoue nga si Sam Goodman nga taga Australia sa ilang engkwentro sa Enero 24 ning tuiga.

Sa miaging Disyembre 24 ang original schedule sa engkwentro sa duruha apan gisibog gumikan nakaangkon og eye injury ang Australyano atol sa sparring session.

Apan sa pamahayag sa kampo ni Goodman nga dili madayon ang gikatakda nga engkwentro gumikan wala pa naayo ang samad sa maong boksingero.

Gumikan miatras si Goodman si Ye Joon Kim ang makaatbang sa undisputed Japanese superstar.
Si Kim ang ranked No. 11 sa WBO og wala nalakip sa top 15 s WBC, WBA og IBF.