Gikumpirma ni football star Neymar nga posibleng ang 2026 World Cup ang iyang ulahing pagdula.
Nagtuo usab kini nga maka-qualify ang Brazil alang sa finals sa North America. Dugang pa sa 32-anyos nga attacker nga iyang buhaton ang tanan aron makasulod ang Brazil.
Kini gumikan human ang 12 sa 18 rounds anaa sa ikalima nga puwesto ang Brazil sa 10-nation group.
Ang nanguna nga unom ka nasud ang sigurado ng makadula sa World Cup.
Nagsugod si Neymar sa Brazil sa unang upat ka qualifying games apan nakaangkon kini og injury sa pagkapildi nila sa Uruguay niadtong Oktubre 2023.
Human ang usa ka tuig, mibalik kini sa pagdula sa Saudi club nga Al Hilal kung asa duha ka higayon kining nagdula niadtong Oktubre og Nobyembre.
Wala usab niini gibutyag kung hingpit kining magdula sa Saudi Arabia team human ang pagdula niya sa Brazil.
