Niabot na og 17 ang ihap sa firework-related injuries nga natala sa Department of Health (DOH) gikan sa Disyembre 22 hangtod 23 bisan sa wala pa ang pagsaulog sa Pasko karong tuiga.
Sa usa ka pamahayag, ang ahensya mitaho nga ang maong mga kaso natala gikan sa 62 ka sentinel hospital nga gimonitor sa Department of Health (DOH).
Kadaghanan sa mga kaso kay 16 niini mga lalaki nga nag-edad og 19 anyos paubos samtang ang babayeng biktima 20-anyos pataas.
Diin 15 o 88% sa mga kaso tungod sa ilegal nga pabuto nga kasagarang peke.
Ang mga biktima sa pabuto sa nahisgutang panahon mas taas og 113% kon itandi sa 6 ka kaso nga natala sa samang panahon niadtong 2023.
Kalabot niini, subling gipahinumdoman sa DOH ang publiko nga likayan ang paggamit sa bisan unsa nga matang sa pabuto ug kung mahimo mogamit og mga alternatibong mga noise makers sama sa tambol, trumpeta, ug uban pa.
