GENERAL SANTOS CITY – Nakorner sa kapulisan ang duha ka mga suspek nga tigpayuhot sa Illegal drugs human napalitan ug P340,000.00 nga kantidad sa shabu.
Atul sa operisyon nakuha sa kapulisan sa Polomolok South Cotabato ang usa ka putos sa gituhuang shabu sa nagpangalan ug Larry ug ang babaye nga giila nga si Dapdap pulos residente sa General Santos.
Laing lima ka medium sachet ug usa ka large sachet pa ang narekober nga adunay timbang nga 50 gramu gikan sa mga suspek.
Gilayon nga gipailawom sa interogasyon ang duha ka dinakpan sa mga sakop sa Polomolok Municipal Police Station aron mahibaw-an kung asa ang tinubdan sa nahisgutang druga.
Nahitabo ang buybust operation sa Purok Maunlad, Barangay Silway 8, Polomolok, South Cotabato kaniadtong December 11, 2024.
Gipialawom usab sa pagsusi sa Regional Forensic Unit, sa South Cotabato ang laboratory examination sa mga nakuha nga ebedinsya samtang giandam ang kaso nga paglapas sa section 11 ug section 12 sa Comprehensive Dangerous Drugs act of 2002 batuk sa mga dinakpan..
