Gikompirma sa aktor nga si Anthony Jennings nga buwag na sila sa iyang non-showbiz partner apan giklaro usab niya nga wala’y labot ang iyang on-screen partner nga si Maris Racal.
Matod ni Anthony kinsa naila sab nga Snoop Manansala sa romantic drama series nga “Can’t Buy Me Love”, buwag sila sa kanhi uyab nga si Jam Villanueva sulod sa pipila ka buwan.
Gidugang pa niini nga siya ang baldado ug personal nga rason sa ilang panagbuwag ug nagdumili sa paghatag og dugang pamahayag tungod kay ang iyang ex usa ka pribadong tawo ug dili kabahin sa industriya sa kalingawan.
Gihangyo usab niini ang mga netizen nga dili disturbohon si Jam.
Matud pa niini, dili angayan nga madamay ang iyang on-screen partner nga si Maris tungod usa ra sila ka love team.
Kini nga pagklaro nunot sa pag-viral sa TikTok reposts ni Jam sa miaging buwan diin sakit, girl instinct, ug cheating ang gihisgutan, nga daling gi-link sa netizens sa panagbuwag ni Jennings.
Naa usab sa kontrobersiya ang ngalan ni Maris nga ka-loveteam sa aktor.
Kaniadtong Hulyo, giangkon ni Maris nga natapos na ang lima ka tuig nilang relasyon sa 51-anyos nga singer-songwriter nga si Rico Blanco, apan giklaro usab niya nga dili si Jennings ang rason nga sila nag-uban.
