Gipaabot na lamang sa kapulisan nga hingpit makarekober ang kandidato pagka Governor nga gipusil ug nadala sa hospital human nakagawas sa operating room nakalabay nga adlaw.
Kini ang pahayag ni Police Capt. Miguel Angelo Quidilla, Chief of Police sa San Isidro Police station kalabutan sa padayon nga imbestigasyon sa pagpusil kang Gladden Lim 48 anyos nga residente sa Purok 10 Alabel Sarangani.
Nagpasalamat ang kapulisan nga wala magmalampuson ang suspek dihang gipusil makalima ka higayon ang biktima luyo nga nakaangkon ug duha ka samad sa tiyan nga bahin.
Matud ni Quidilla nga nagrequest na sila sa Crime Laboratory alang sa cross matching sa lima ka basyo sa caliber 45 aron mahibaw-an kung ang armas nga gigamit ang nalambigit na sa ubang nga pagpamusil sa syudad ug sa Sarangani Province.
Una ng gibutyag sa kapulisan nga walay kalabutan ang pulitika sa pagpamusil sa biktima.
Kahinumduman pasado alas sais sa gabii kaniadtong sabado gipusil ang biktima sa Seventh day Adventist compound sa Dacera avenue Barangay City Heights niining dakbayan
