GENERAL SANTOS CITY – Subli nga nagkatigum kagahapon sa buntag ang mga pamilya sa Maguindanao Massacre victims dihang gibisita ang Sitio Masalay, Barangay Salman, Ampatu-an Maguindanao.
Nanguna sa grupo si Emily Lopez, chairman sa Justice Now Movement aron ipakita sa gobyerno ang ilang pagpaabot nga mahatag ang hustisya sa 58 ka biktima nga gipatay sa maong lugar.
Kinse na ka tuig ang milabay ug nabag-o na ang lugar tungod milabong na ang mga punu-an sa kahoy sa palibut apan nagpabilin gihapon ang ilang paglaum nga makuha ang hustisya alang sa mga biktima.
Pagkahapon gibisita usab sa grupo ang Forest Lake kung asa nahimutang ang mga lubong sa dose ka sakop sa Media kansa ang nahisgutang mga lubnganan ang usa sa gibisita kaniadtong kalag kalag.
Ang Maguindanao Massacre nahitabo dihang mag file unta sa iyang kandidatura ang asawa ni Ismael mangudadatu dihang gibihag sa mga armadong grupo sa mga Ampatu-an ug gidala sa crimescene ug didto gipangpusil ug pagkahuman gilubong.
