Usa na ang gikataho nga namatay sa Daet, Camarines Norte gumikan sa epekto sa Super Typhoon Pepito, sumala sa Municipal Disaster Risk Reduction and Management Office (MDRRMO).
Sa gipahigayon nga situational report kagahapong adlawa ang Daet DRRMO nagbutyag nga namatay ang 76 anyos nga lalaki human nasangit sa cable wires.
Basi sa talaan sa Daet MDRRMO adunay 26,589 ang apektado nga pamilya samtang mukapin ug kulang 116,000 apektado nga individuals nga gikan sa 25 ka barangays ang mihikling sa mga evacuation center.
Wala gikataho nga naguba nga balay sa munisipyo.
Nasuta nga gipailawom sa signal number 3 ang western portion sa Camarines Norte samtang Signal No. 2 usab sa ubang bahin sa probinsya.
Nag land fall si Pepito sa Panganiban, Catanduanes sabado sa gabii.
