-- ADVERTISEMENT --
Nakahimo sa iyang madinalag-on nga pagbalik ang Filipina skater Margielyn Didal sa usa ka kompetisyon sa Buenos Aires, Argentina human ang dugay nga pagpahulay.
Nagpatigbabaw ang Tokyo Olympian og 2018 Asian Games gold medalist sa Buenos Aires Conquest sa University of Buenos Aires Law School, sa iyang pinakauna nga event sukad nga nakasinati kini og injury sa iyang ankle kaniadtong Oktubre 2022.
Gipildi niya ang top female skaters sa kalibutan kalakip na ang Argentinian nga si Aldana Bertran og Brazilian Leticia Bufoni sa qualifying round, og usa pa ka Argentinian nga si Camila Cáceres sa semi finals.
Giatubang niya ang Dutch skateboarder nga si Roos Zwetsloot sa finals kun asa gidala pauli sa Filipino athlete ang championship trophy.
-- ADVERTISEMENT --
