Na-sweep ni President-elect Donald Trump ang pito ka battleground states sa Estados Unidos sa Amerika sa gipahigayon nga presidential election kaniadtong Nobyembre 5.
Nahitabo kini sa dihang nakuha usab niini ang southwest state sa Arizona nga mao ang katapusan nga nagdeklara og resulta human ang pipila ka adlaw nga iniphanay sa boto.
Tungod sa 11 electoral college votes gikan sa maong estado, misaka sa 312 ang nakuha ni Trump ikumpara sa 226 ni Vice President Kamala Harris.
Una pa man niini, klaro na ang kadaugan ni Trump human una na-secure ang 270 electoral college votes nga mao lamang ang kinahanglan aron makabalik kini sa White House.
Usa ka kanhi Republican stronghold ang Arizona nga nagboto sa pula sa sobra 20 ka tuig apan nagbaliskad kini kaniadtong 2020 dihang gipildi si Trump sa mao nga state sa kamot ni outgoing President Joe Biden.
Sa maong higayon, 10,000 mga boto ang natunga sa duha ka mga kandidato.
Nahimo ni Trump ang sweep karong 2024 human nadag-an ang presidential race sa unom ka uban pa nga swing states nga mao ang Pennsylvania, Wisconsin, Michigan, North Carolina, Nevada og Georgia.
