Nagpabilin sa usa ka tambalanan samtang gina oberbahan sa mga doktor ang kahimtang sa usa ka menor de edad human gigolgolan sa suspek nga kustudiya karon sa mga otoridad.
Sumala kang Lake Sebu Municipal Police Station officer-in-charge PLt. Col. Bernie Faldas, nahitabo ang krimen kaniadtong nakalabay nga adlaw sa balay mismo ang 10-anyos nga biktima sa Barangay Lamfugon.
Migawas sa imbestigasyon sa kapulisan nga missumbong ang bata sa iyang Inahan human matud pa gikuhaan matud pa ug video sa suspek .
Dihang mahibaw-an matud pa sa suspek masuk-anon nga gipangita ang bata ug giadtu-an sa balay niini ug didto nahimo ang mangilngig nga krimen.
Gilayon usab nga gidala sa tambalan ang menor de edad nga biktima samtang paspas usab nga milayas ang suspek apan sa gipahigayon nga pagresponde sa mga residente natultulan ang suspek ug gidakop.
Matud ni Lt. Col. Paldas nga patong patong nga kaso ang atubangon sa suspek nga kauban sa trabaho sa Amahan sa biktima.
