Pagmabdos ni Iya Villania , wala sa plano!

Nagsabak si Iya Villania sa iyang ikalima nga anak sa iyang bana nga si Drew Arellano ug gilaumang manganak na siya karong Pebrero.

Matud pa sa TV host-actress nga wala planoha ang iyang pagmabdos sa umaabot nga anak ni Drew .

Gani, sa una wala magtuo ang iyang hubby nga mabuntis siya pag-usab.

Apan, sa dihang napamatud-an ang iyang pagmabdos, dali ra kining gidawat sa bana.

Sa pagkatinuod, giisip nila kini nga usa ka “welcome surprise.”

Kahinumdoman nga niadtong 2022, nahimong fitspiration si Iya sa iyang mga kaubang buntis dihang gipaambit niya ang iyang workout routine samtang preggie pa siya sa ilang ikaupat nga anak nga si Astro.

Duha ka semana human siya nanganak, nibalik siya sa pag-ehersisyo, butang nga nakadayeg sa mga netizen.