Ang reward alang sa impormasyon nga makatabang sa pagpangita sa Amerikanong si Elliot Eastman gipasaka na ngadto sa P500,000.
Ang Office of the Third District Representative sa Zamboanga del Norte midugang og P350,000 sa P150,000 nga gitanyag kaniadto sa lokal nga kagamhanan sa Sibuco.
Ang reward money ihatag ngadto kang bisan kinsa nga makatudlo sa sakyanan nga giingong gigamit sa pagkidnap kang Eastman niadtong Oktubre 17, 2024, ingon man sa nahimutangan sa biktima.
Matud ni Galvez nga padayon sila nga nakig-alayon sa ubang law enforcement agencies sa ubang bahin sa Mindanao.
Ang mga ahente sa US Federal Bureau of Investigation (FBI) nagsugod na usab sa pag-imbestiga sa insidente.
Niadtong Oktubre 17, upat ka mga armadong lalaki ang giingong misulod sa balay ni Eastman sa Barangay Poblacion, Sibuco ug nagpaila sa ilang kaugalingon nga mga tinugyanan sa balaod.
Giingong gipusil nila si Eastman sa tiil dihang nagdumili kini sa pagkuyog kanila.
Si Eastman napugos sa pagsakay sa banca, nga paingon sa Sulu o Basilan.
Mga lima ka buwan na nga nagpuyo sa probinsiya si Eastman human naminyo sa usa ka lokal nga residente
