Gipataas sa Philippine Health Insurance Corp (PhilHealth) sa P1 milyones matag tuig ang hemodialysis package nga mahimong ma-avail sa mga miyembro.
Ubos sa PhilHealth Circular 2024-0023, gipataas sa ahensya ang benepisyo ngadto sa P6,350 matag sesyon alang sa mga miyembro ug sa ilang mga kwalipikadong dependents nga adunay chronic kidney disease stage 5 (CKD5).
Ang circular nag-ingon usab nga ang mga tambal nga anti-coagulation ug mga tambal sa anemia, mga pagsulay sa laboratoryo, mga dialyzer, mga solusyon sa hemodialysis, ug mga dialysis kits kinahanglan nga ihatag sa mga pasyente nga adunay KD5 matag sesyon.
Sakup usab niini ang paggamit sa mga dialysis machine, pasilidad, utilities, ug sweldo sa mga empleyado, diin ang tanang serbisyo kinahanglang anaa sa tanang accredited nga publiko ug pribadong pasilidad sa hemodialysis sa nasud.
Nagtakda usab ang Philhealth og P450 nga limit alang sa professional fees, kung ang mga pasyente nanginahanglan og dugang serbisyo sama sa telemedicine o dinalian nga interbensyon tungod sa mga komplikasyon nga mahitabo atol sa dialysis session
