Gimando sa Department of Agriculture (DA) ang paspas nga pagpagawas sa P93.8 billion nga pondo gikan sa Philippine Crop Insurance Corporation (PCIC) alang sa mga biktima sa Supertyphoon Julian.
Kini aron magamit na sa mga mag-uuma og makabangon gikan sa epekto sa maong bagyo.
Matod kang DA Secretary Francisco Tiu Laurel Jr., kinahanglang paspas ang paghatag og bayad-danyos/insurance sa mga mag-uuma aron makasugod sila pag-ubsa ug mabalik ang pagkalugi sa produksyon human nga naapektuhan sa bagyo.
Base sa datos sa PCIC, katibuk-ang 10,781 mag-uuma og mais, humay, og high value crops ang makadawat og bayad-danyos.
Ang mga nasampit ang gikan sa Cordillera Administrative Region, Ilocos Region, og Cagayan Valley.
Sumala sa kalihim, mahimo nga magamit sa mga mag-uuma ang madawat nga bayad isip pamalit og mga agri inputs og makasugod pag-usab sa pagtanum.
Subay sa ulahing datus nga gipagawas sa DA, miabot sa P607.38 million ang kantidad sa damyos nga gibilin sa ST Julian sa sektor sa panguma.
Nakaapekto kini sa panginabuhian sa kapin 33,000 ka mga mag-uuma sa Northern Luzon.
