Gibida ni Bocaueang planong P120-bilyong elevated road project nga magkonektar sa Balintawak sa Quezon City ug Bocaue sa Bulacan aron mapahapsay ang dagan sa trapiko ug mapamub-an ang oras sa pagbiyahe sa mga motorista.
Sumala sa Presidente, ang MVP Group ug San Miguel Corporation (SMC) ang magtinabangay sa pagtukod sa maong proyekto human niya hangyua ang duha ka grupo nga magtinabangay aron madugangan ang mga alternatibong ruta sa mga motorista.
Tumong sa proyekto nga maminusan ang pagsamot sa trapiko, gasto sa transportasyon ug oras nga gigugol sa mga biyahero, ilabina sa mga trabahanteng adlaw-adlaw nga nagbiyahe.
Gilauman usab nga makatampo ang maong proyekto sa pagmugna og trabaho ug pagpalihok sa ekonomiya pinaagi sa dugang nga pagpamuhunan sa imprastraktura.
Gipadayag ni Marcos ang kamahinungdanon sa padayon nga pagpalambo sa imprastraktura sa nasud aron mapauswag ang sistema sa transportasyon ug produktibidad sa mga Pilipino.
