-- ADVERTISEMENT --
Nanawagan si Bicol Saro Party-list Rep. Terry Ridon nga repasuhon ang balaod bahin sa libel ug cyberlibel aron mapanalipdan ang dungog sa mga tawo ug ang kagawasan sa pagpadayag.
Sumala kang Ridon, dili angay mahadlok ang mga mamahayag sa pagpangutana ug pagreport sa mga isyu nga importante sa publiko.
Kini human sa pagdakop sa beteranong mamahayag nga si Philip Lustre Jr. niadtong Oktubre 24 sa Quezon City tungod sa kasong cyberlibel nga gisang-at ni Manases “Mans” Carpio, bana ni Vice President Sara Duterte.
Gipaklaro ni Ridon nga dili tumong sa pagrepaso sa maong balaod nga hatagan og kagawasan ang pagpakaylap sa sayop nga impormasyon, kondili aron masiguro nga patas ang pagpatuman niini ug dili magamit sa pagpahilom sa mga mamahayag.
