GENERAL SANTOS CITY – Magamit na sa mga motorista sa Enero sunod tuig ang Mabuhay underpass project kini basi sa pahayag sa taga Department of Public Works and Highways.
Kini human nagpahigayon ug inspection ang taga DPWH kauban ni Atty Jong Gonzales sa Public Safety Office miaging adlaw.
Kini luyo sa panawagan sa LGU Gensan nga paspasan ang pagpasemento sa ilawom nga bahin sa ilawom nga bahin sa underpass ug uban pang construction aron magamit sa dili pa muabot ang pasko.
Nagtuo ang mga Opisyal sa dakbayan nga subli magkaproblema kung dili ablihan ang underpass sa mga light trucks tungod gilantaw nga mudaghan ang mga sakyanan sa bulan sa Desyembre.
Una ng gibutyag ni Atty Gozales nga nagpadayon ang pagtrabaho sa silong nga bahin samtang gibutyag nga apil sa bag-ong desensyo sa undeprpass ang pagbutang ug reservoir ug pumping station aron musag-a sa tubig aron dili magpundo ang tubig sa ilawom nga bahin.
