Miabot sa katibuk-ang 374 katao ang miduso sa ilang Certificate of Candidacy (COC) alang sa pagka-Senador sa 2025 midterm elections.
Base sa datos nga gipagawas sa Commission on Elections, 57 ang Senatorial aspirants og 53 partylist organizations ang migukod sa ulahing adlaw sa filing period.
Sa 374 nga kandidato, 184 niini magpapili sa pagka-Senador samtang 190 alang sa partylist organization.
Matod ni Comelec Chairman George Erwin Garcia, gilayon nga tun-an ang mga pangalan sa listahan, kapasidad nga maglusad og kampaniya, motibo sa pagpapili og uban pang konsiderasyon alang sa nuisance candidate.
Gibutyag ni Garcia, target nilang mahuman kini una ang pagsulod sa Disyembre aron masugdan na agilayon ang pag-imprenta sa mga balota nga magamit sa eleksyon.
Dugang pa ni Garcia, makuting tun-an sa komisyon ang pangalan sa tanang kandidato og dili lamang basta nga ideklara nga nuisance candidate.
Una nang gibutyag ni Garcia nga nahimong hapsay ang walo ka adlaw nga COC filing period alang sa 2025 midterm elections.
