Magpahigayon og multilateral maritime cooperative activity ang Philippine Air Force (PAF) kauban ang Japan Air Self-Defense Force (JASDF) sa Cebu sugod Oktubre 2 hangtod 6 gumikan gihapon sa padayong bangi sa giilogan nga teritoryo sa West Philippine Sea.
Sa usa ka pahayag, gipaklaro ni Armed Forces of the Philippines (AFP) Chief of staff Gen. Romeo S. Brawner nga ang himuong multilateral maritime cooperative activityang nagtumong nga mas pakusgon ang international support og kooperasyon sa mga nasud alang sa gawasnon og mas abli nga Indo-Pacific.
Gibanabanaan nga anaaa sa 150 ka opisyal gikan sa PAF og JASDF ang motambong sa mamahimong joint exercise nga tawagon nga 2024 Doshin-Bayanihan joint training exercises.
Ang maritime drills, ipahigayon sa Brig. Gen. Benito N. Ebuen Air Base sa Lapu-Lapu City, Cebu alang usab sa mas lalom nga kooperasyon sa lungsod sa paghatag og Humanitarian Assistance lakip usab sa mas paspas nga pagresponde panahon sa kalamidad.
Samtang, ang mga nasangpit nga drills usab ang gilangkoban sa mga simulated airdrop flight training, load/offload training, aeromedical evacuation exercises og sa subject matter expert exchanges.
