Nagpahinumdom ang Philippine Heath Insurance Corporation (Philhealth) sa mga miyembro nga ilang gi-cover ang tambal sa leptospirosis ug dengue.
Matod sa state health insurer, ang mga miyembro mahimong maka-avail sa P13,000 nga dengue fever benefit package samtang P16,000 alang sa dengue hemorrhagic benefit package.
Samtang, ang mga apektado sa leptospirosis mahimong maka-avail sa benefit package nga nagkantidad og P14,300.
Base sa datus sa Department of Health, nagpadayon ang pagsaka sa kaso sa dengue sa nasud karong panahon sa ting-ulan diin misaka og 25% ang kaso gikan niadtong Agosto 4 ngadto sa 17 nga adunay 36,335 ka kaso.
Sa kinatibuk-an gikan sa Enero hangtod Setyembre 6, 2024, adunay kinatibuk-an nga 108,965 nga kaso sa dengue sa nasud.
Samtang sa leptos, adunay kinatibuk-an nga 123 ka mga kaso ang natala sa tibuok nasud gikan sa Agosto 18 ngadto sa 31 nga naobserbahan nga misaka human sa pagkusokuso sa bagyong Carina ug Habagat niadtong Hulyo nga maoy hinungdan sa lapad nga pagbaha sa Metro Manila ug uban pang lugar sa nasud.
