Gipabalhin na sa Quezon City Regional Trial Court (QC RTC) sa Quezon City Jail si Pastor Apollo Quiboloy ug upat nga uban pang akusado sa kasong sexual og child abuse.
Sa gipagawas nga kamandoan ni QCRTC Branch 106 Presiding Judge Noel Parel, si Pastor Quiboloy og Cresente Canada ipa-detain sa Quezon City Jail sa Payatas Road, Bagong Silangan, Quezon City.
Samtang ang tulo pa nga kaubang akusado nga silang Jackielyn W. Roy, Ingrid C. Canada og Sylvia Cemañes sa Quezon City Jail-Female Dormitory sa Camp Karingal.
Unod usab sa kamandoan nga kinahanglang iatubang sa arraignment si Pastor Quiboloy ug upat nga uban pang akusado sa September 13, 2024, alas-8:30 sa buntag.
Ang arraignment og pre-trial ipahigayon sa Biyernes pinaagi sa video conference.
Sa karon ginaatangan na kung gilayong musunod niini ang Philippine National Police (PNP) tungod aduna pay Pasig City RTC nga nagpagawas usab ug bulag nga Warrant of Arrest batok kang Quiboloy nga nabilanggo sa PNP Detention Cell sa Camp Crame.
