Gihagit sa mga lider sa Kamara si Vice President Sara Duterte nga pamatud-an nga dili kini ‘spoiled brat’ pinaagi sa pagrespito sa proseso sa pag-imbestiga sa pondo niini.
Matud kang House Deputy Majority Leader og Tingog Party-list Representative Jude Acidre, angayang mukooperar si VP Sara sa budget hearing sa ngalan sa transparency og accountability og pagprotekta sa kwarta sa katawhan.
Gipaklaro usab ni Assistant Majority Leader og Taguig 2nd District Representative Amparo Maria “Pammy” Zamora nga ang paghisgot sa budget, dili kabahin sa kung unsa ang gusto nga makuha o madungog sa mga kongresista kun dili kung paunsa nagamit ang kuwarta sa katawhan.
Kahinumduman, sa unang paghisgot sa House Committee on Appropriations sa ₱2.037-billion nga 2025 proposed budget alang sa Office of the Vice President, pausob-usob nga mibalibad si VP Sara nga tubagon ang mga pangutana kabahin sa ₱125 million nga confidential funds niini nga nahurot sa sulod sa 11 ka adlaw kaniadtong Disyembre 2022.
