GENERAL SANTOS CITY – Nanguna ang Barangay Calumpang nga may labing daghan nga residente basi sa 2020 census.
Sumala sa datus sa Philippine Statistics Authority, adunay 87,718 ka residente ang nahisgutang barangay nga gisundan sa brgy. Labangal nga anaa sa ikaduha nga pwesto nga adunay 77,052 ka residente.
Ikatulo ang brgy. Fatima nga may 72.613, samtang anaa sa ika upat mao ang San Isidro nga adunay 64,958.
Ikalima ang brgy. Apopong nga may 58,314, ika-unom ang brgy. Lagao 53,706, ikapito ang brgy. Mabuhay 37,629, ikawalo ang brgy. Tambler nga may 31,539 ug ikasiyam ang brgy. Bula nga adunay 30,845 ug ikanapulo ang Barangay City heights.
Nasuta nga apil ang Calumpang sa coastal Barangay nga unom ka kilometros ang gilay-on gikan sa sentro sa syudad nga giila nga Bulad Capital nga kabahin sa industrial core sa syudad.
Ang mga trabahante gikan sa nagkalain-laing lugar sa Mindanao ang nagpuyo sa brgy. Calumpang tungod duol sa mga canning factory ug major commercial establishment.
