GENERAL SANTOS CITY – Dinhi na sa dakbayan natulog si Sarah Geronimo kauban sa iyang bana nga si Matteo Guidicelli ug ang iyang entourage human miabot kagahapong adlawa, Agosto 31, 2024 sa Gensan Airport.
Mismong si Gensan Mayor Lorelie Pacquiao ang misugat ug mitunol ug bulak sa Pop princess dihang nahidangat kagahapon sa buntag.
Samtang pagawas sa arrival area gitimbaya sa mga tawo silang Guidicelli ug asawa nga Filipino singer actress.
Isip kabahin sa mga aktibidad niining adlawa alas singko sa buntag ang Tuna fun run, alas sais sa buntag ang Bombo Bancarera, alas kwatro unyang hapon makauban silang KD Estrada, Alexa Ilacad, Jake Cuenca ug Jane Oineza sa Pioneer avenue, alas syete sa gabii ang Tuna Festival 2024 Grand Opening, ug pagka alas nueve ang Pyro musical show pinaagi nilang Sara Geronimo ug Matteo Guidicelli.
Kahinumduman nga ang Tuna festival gigahinan ug P15M nga pundo.
