Giklaro sa Davao City Regional Trial Court Branch 15 nga wala nila gikansela o gi-invalidate ang warrant of arrest batok sa puganteng Pastor Apollo Quiboloy ug uban pa nga akusado sa mga kaso sa human trafficking ug sexual abuse.
Base sa Clarificatory Order sa korte nga giluwatan karong Miyerkules, ang korte nagkanayon nga ang proceedings kalabot sa arrest order magpabilin tungod kay base kini sa mando sa laing korte.
Naggikan kini sa nauna nang gipagawas nga Temporary Protection Order (TPO).
“Aron paghatag og gibug-aton, ang gi-isyu nga TPO wala nagkansela o nag-nullify sa mga proseso nga may kalabotan sa mga warrant of arrest. Ang duha nagsilbi sa lainlaing katuyoan ug dili magkasumpaki sa usag usa”
-JUdge MARIO DUAVES
Ang bag-ong dokumento gikan sa korte sa Davao gipirmahan ni Judge Mario Duaves.
Dinhi gikinahanglan ang clerk of court nga i-serve dayon ang direktiba sa mga hingtungdan sa kaso, lakip na ang mga pulis ug Kingdom of Jesus Christ (KOJC).
