Gitutokan karon sa Philippine National Police (PNP) ang usa ka lugar sulod sa Kingdom of Jesus Christ (KOJC) compound diin giingong ilang na-detect ang heartbeat, nga 20-30 meters gikan sa yuta gamit ang groundbreaking penetrating radar.
Matud ni PNP Spokesperson Col. Jean Fajardo, ila kining gigamit nga detector atol sa search and rescue operations kon adunay kalamidad ug mangita og mga timailhan sa kinabuhi.
Nabatyagan usab sa PNP nga gipugngan sila sa mga supporters ni Quiboloy nga makaduol sa lugar nga ilang gitarget.
Hinungdan nga gituohan sa PNP nga nagtago-tago sa ilawom sa yuta ang pugante nga pastor nga si Apollo Quiboloy ug kauban niini ang mga akusado.
Ingon man nga mipasalig si Fajardo nga makit-an na nila ang sekretong entrada sa underground.
Samtang, nasikop sa PNP ang duha ka indibidwal nga sakop sa KOJC human giingong miinsister nga mosulod sa compound bisan pa man sa hangyo nga dili sila pasudlon samtang nagpadayon ang search and rescue operations sa kapolisan.
Dugang pa ni Fajardo, dili mobiya sa lugar ang kapolisan bisan pa man sa kakapoy og kagutom, kung asa subay sa direktiba ni PNP Chief Pol. Gen. Rommel Francisco Marbil.
