Gitawag sa bana ni Vice President Sara Duterte nga si Manases “Mans” Carpio nga walay basehan, malisyoso, og “politically-motivated” ang mga alegasyon nga nalambigit siya sa drug smuggling partikular sa shipment sa shabu nga nagbalor og P11-billion nga nakumpiska sa Manila Port kaniadtong 2018.
Kini nga statement ni Carpio human sa joint hearing sa Kamara sa milabay nga semana kung asa gipapungko isip resource person ang kanhi intelligence officer sa Bureau of Customs nga si Jimmy Guban.
Si Guban ang nag-tag kang Capio, Davao City Rep. Paolo “Polong” Duterte, og kanhi presidential economic adviser Michael Yang nga mao ang nanag-iya sa shipment.
Sumala kang Carpio, nagalaum siya nga mahimong perceptive ang publiko og mga myembro sa Kamara aron mahsayran nga adunay sagol -pamulitika ang mga claim ni Guban.
“The allegations and insinuations made by Mr. Guban during the Quad Com hearing last Friday, August 16, 2024, are entirely baseless and maliciously false. The public and the esteemed members of the House of Representatives are, I trust, perceptive enough to recognize that Mr. Guban’s claims, implicating Congressman Pulong [Duterte] and myself, are unmistakably politically motivated,” pahayag ni Manases “Mans” Carpio .
Gipaklaro usab niini nga bisan napangasawa niini si Vice Pres. Sara nga gikan sa pamilya sa mga pulitiko, wala gyud siya nagsulod sa pulitika og wala usab nanghilabot sa mga polisiy sa gobyerno.
Gibutyag niini nga usa siya ka private citizen og abogado nga ang ginakabalak-an mao ang ikaayo sa iyang pamilya og ang proteksyon alang sa katungod og interes sa iyang mga kliyente.
“It has always been my personal policy and guiding principle to remain entirely separate from politics or any government-related matters. As a private citizen and a practicing lawyer, my sole concern is the welfare of my family and the diligent protection of my clients’ rights and interests,” dugang sini.
