Nakaplagan na ang paghugno sa presyo sa karne sa baboy sa pila ka mga mercado sa nasud tungod sa pagbalik sa outbreak sa African Swine Fever (ASF) sa pila ka mga probinsya.
Sa monitoring sa Department of Agriculture (DA), ang presyo sa usa ka liempo kay P305 matag kilo samtang ang kasim mikunhod usab og P10 sa presyo sa matag kilo.
Sa pikas bahin, nagpasaka ug presyo ang retailers sa mga manok ug itlog tungod nagapangita matod ang consumers sa alternatibo nga sources sa protein.
Nasayran nga ang pagbuto sa ASF nakaapekto sa populasyon sa nasudnong baboy, nga mikunhod gikan sa 12.7 milyon sa 2019 ngadto sa 9.9 milyon sa katapusan sa 2023.
Matod sa Bureau of Animal Industry, mikaylap ang ASF sa 17 ka rehiyon sa Pilipinas ug 74 ka probinsiya ang apektado.
Sugod kaniadtong Agosto 8, 64 ka lungsod sa 22 ka probinsya ang naka-report sa aktibo nga kaso sa ASF, apan gipasalig na sa DA nga ang mga nataptan nga mga produkto sa baboy dili makaabot sa merkado tungod sa hugot nga pagbantay sa National Meat Inspection Service.
