Mahimo ng abagahon sa medical assistance gikan sa Philippine Charity Sweepstakes Office (PCSO) ang parte sa professional fees sa mga doktor gawas pa sa kasamtangan niining coverage alang sa kabus nga mga pasyente sumala kang PCSO general manager Mel Robles.
Gibutyag niini nga ang assistance coverage sa PCSO alang sa professional fees dili alang sa katibuk-ang bayrunon tungod limitado lamang ang resources niini.
Gibutyag sa opisyal nga ang guarantee letter sa PCSO nga magbayad sa professional fees sa mga doktor ang ipagawas sa parehong adlaw, sa kondisyon nga makasumite ang pasyente o pamilya sa pasyente nga nanginahanglan sa tanang rekositos alang sa hinabang.
Una ng gipanawagan ni House Committee on Appropriations chairman og Ako-Bicol party-list lawmaker Zaldy Co ang hinanaling pagbayad sa professional fees sa mga doktor gikan sa budget sa gobyerno alang sa indigent aid program niini.
