Gibulabog karon ni kanhi Presidential spokesperson Harry Roque sa iyang programang ‘Spox Hour’ nga duna’y giluto nga impeachment complaint karon ang kamara batuk kang Vice President Sara Duterte.
Gibutyag niini ang iya matud pang mga classmates sa 17th Congress nga karon mga 3rd-termer na, nga posibleng iduso ang impeachment complaint karong semanaha aron wala na matud pa’y babag sa kandidatura sa gitawag nga ‘Tambaloslos’ nga naila sa kadaghanan nga si House Speaker Martin Romualdez.
Dugang pa ni Roque, kung kaniadtong uban pa sila VP Sara ug Pangulong Ferdinand ‘Bongbong’ Marcos Jr., duna pa’y mubabag sa ilang mga himuong lakang batuk sa besi-presidente, karon posibleng ipadali matud pa sa pangulo ang pagduso sa impeachment complaint.
Inanay na matud pa nilang na-aninaw ang kahakog sa gahom ni PBBM nga posibleng ipadayon pa hangtud nga musunod sa iyang pwesto ang anak nga si Congressman Sandro Marcos.
