Gipadayag ni Senator-judge Alan Peter Cayetano nga dili angay baliwalaon o baluktoton ang balaod taliwala sa impeachment trial ug kinahanglan nga magpabiling nakabase sa Konstitusyon ang matag lakang sa proceedings.
Sa iyang pamahayag sa ika-33 nga adlaw sa impeachment trial ni Vice President Sara Duterte kagahapon, gibalik ni Cayetano ang iyang kasinatian sa mga miaging impeachment proceedings uban nila Senators Migz Zubiri ug Chiz Escudero.
Matod niya, nahimong importante nga prinsipyo sa maong mga proceedings ang pagpahunong ug pagsusi sa proseso kung gikinahanglan, imbis nga pugson ang usa ka lakang nga posibleng makalapas sa balaod o Konstitusyon.
Para sa Senador, ang tumong sa pagpanubag sa usa ka opisyal dili angay nga mahimong rason aron ibalewala ang konstitusyonal ug legal nga mga panalipod sa proseso sa impeachment.
Dugang pa ni Cayetano nga mas importante nga mapanalipdan ang Konstitusyon ug balaod kaysa sa dinaliang tumong nga mapanubag ang usa ka tawo.
Tungod niini, iyang gibarugan nga ang mga proseso sa impeachment kinahanglan nga ipahigayon sulod sa natukod nga konstitusyonal ug legal framework, bisan unsa pa kabug-at sa mga alegasyon o tulubagon nga gihisgutan sa husay.
Samtang, ang impeachment trial sa bise presidente magpadayon karong adlawa, Martes, Oktubre 6.
