John Cabang Tolentino tagak sa semi’s apan apil sa repechage sa 110m hurdles sa Paris Olympics

Wala makasulod sa semi finals si John Cabang Tolentino human nahimong ika unom sa giapilan nga first round sa men’s 110m hurdles sa 2024 Paris Olympics sa Stade de France.

Ang world no. 35 hurdler nga si Tolentino adunay time clocked nga 13.66 seconds nga 32nd overall hinungdan nga wala malakip sa first semifinals.

Apan may tsansa ang Filipino bet nga mag advance pinaagi sa repechage nga ipahigayon sa Agusto 6 adlaw nga martes alas 4:50 p.m.

Sa maong heat ang nag-unang tulo ka atleta ang otomatiko alang sa semifinals.

Nanguna si Tokyo Olympics silver medalist Grant Holloway nga may time nga 13.01 seconds nga mas duol sa Olympic record nga 12.91 seconds ni Xiang Liu sa China.