Anaa karon sa kontrobersiya ang ngalan sa Algerian boxer nga si Imane Khelif,
human siya makaduwa sa Paris 2024 Olympics.
Gipildi ni Khelif ang ‘Italian female boxer’ nga si Angela Carini sa ilang dula kung asa miluhod kini ug nihilak sa nabati na niya ang kusog nga sumbag gikan sa iyahang kontra
Apan, sa wala pa mograbe ang transphobic propaganda, napamatud-an nga si Khelif natawo nga babaye ug dili lalaki, sukwahi sa pangangkon ni Carini ug ubang mga kritiko sa Algeria nga boksidor.
Si Khelif usa ka natural nga natawo nga babaye, apan adunay Disorder with Sex Development (DSD) nga hinungdan kung kini adunay XY chromosome ug taas nga testosterone.
Kini maoy rason nganong na-disqualify siya sa 2023 IBA Women’s World Boxing Championship diin ang unang rason kay aduna siyay medical issue.
Dugang pa, ang transgender identity hugot nga gidili sa Algeria, ang nasud nga girepresentahan ni Khelif.
Sa laing bahin ang mga tawo sa Algeria dili makausab sa ilang sekso o gender, bisan sa pisikal, medikal, o legal.
Apan daghan ang nag-ingon nga nakabentaha pa si Khelif kay aduna siyay mga kinaiya sa usa ka lalaki.
Nasayran nga dili tanang women’s world boxing match ang iyang nadaog human sa 2018.
