Misaka sa bag-ong ‘career-high ranking’ nga No. 17 sa Women’s Tennis Association kon WTA ang Pinay tennis star nga si Alex Eala una sa iyang pag-apil sa WTA 250 Hong Kong Open.
Base sa opisyal nga rankings nga gipagawas kagahapon, Lunes, misaka si Eala gikan sa ika-19 ngadto sa ika-17 nga puwesto, nga adunay kinatibuk-ang 2,289 ka ‘ranking points’.
Nalabwan ni Eala ang iyang kanhing career-best nga ika-18 nga puwesto human makaabot sa quarterfinals sa bag-ohay lang nga Tokyo Open nga adunay 500 points.
Sa pagsugod sa iyang kampanya sa Hong Kong, nakatakdang makigsangka si Eala kang world No. 59 Alycia Parks karong adlaw nga Martes.
Kahinumdoman nga unang nakab-ot ni Eala ang ika-18 nga puwesto niadtong Agosto 24 human sa Cincinnati Open, apan miubos sa ika-20 nga ranggo niadtong Oktubre 19 human mapildi sa mga dula sa Singapore ug Wuhan.
Apan dali siyang nakabawi sa iyang porma sa Tokyo Open, diin nakab-ot niya ang usa ka breakthrough performance atol sa Asian Swing.
