Lider sa drug cartel sa US, nasikop sa Texas

Gidakop sa mga awtoridad sa US ang usa sa mga lider sa pinakadako nga drug cartel sa kalibutan nga si Ismael “El Mayo” Zambada.

Malampuson nga nasikop sa mga agents sa US federal agent sa El Paso, Texas si Zambada.

Ang 76-anyos nga si Zambada maoy nagtukod sa criminal organization uban ni Joaquin “El Chapo” Guzman nga kasamtangang natanggong karon sa prisohan sa US.

Nasayran usab nga lakip sa nadakpan ang anak ni Guzman nga Joaquin Guzman Lopez.

Niadtong Pebrero, si Zambada giakusahan sa mga prosecutors sa US nga nakigkunsabo sa paghimo ug pag-apod-apod sa fentanyl ug gibasol sa krisis sa opioid sa US.