Bagyong Carina, usa na ka supertyphoon

Ginakonsidera na sa Joint Typhoon Warning Center (JTWC) ang Bagyo Carina isip Super Typhoon.

Ang sentro sa bagyo ang anaa sa kalay-on nga 280 km amihanan sidlakan sa Itbayat, Batanes.

Kini adunay kakusog sa hangin nga miabot sa 155 kilometros matag oras duol sa sentro og paghaguros nga hangtod sa 190 km/h.

Kini paingon sa direksyon nga pa-amihanan-kasadpan sa gipaspason nga 25 km/h.

Ang Batanes ang gipailawom sa Tropical Cyclone Wind Signal No. 2.

Samtang ang Babuyan Islands, northern portion sa mainland Cagayan og northern portion sa Ilocos Norte ang gipailawom sa Tropical Cyclone Wind Signal No. 1.

Ang Typhoon Carina ang ginalauman nga muigo sa Taiwan karon sa hapon ukon karon sa gabie.