Ginaplano na sa bilyonaryo nga si Elon Musk ang pag-donar og kapin $45 million kada bulan sa pro-Trump super political-action committee.
Base sa impormasyon, plano sa Tesla CEO ug pinakaadunahan nga tawo sa kalibutan nga sugdan ang donasyon sa Hulyo alang sa America political-action committee, aron suportahan si kanhi US President Donald Trump sa iyang presidential run.
Niadtong Sabado dihang gianunsiyo sa publiko ni Musk ang iyang pag-endorso kang Trump sa labing-una nga higayon sa US presidential race, inoras human ang assassination attempt sa kanhi president sa iyang campaign rally sa Pennsylvania.
Si Trump ang gi-nominate sa Republican Party aron subling magpapili sa eleksyon sa Amerika sa Nobyembre kung asa ang iyang napiling vice presidential runningmate mao si Ohio U.S. Senator J.D. Vance.
