Nagresign na sa puwesto si Department of Education Spokesperson Michael Poa ug 4 nga uba pa nga tag-as nga opisyal sa DepEd una ang pag-ilis og liderato sa ahensiya sa Biyernes, Hulyo 19.
Dinhi, gipaabot nga opisyal nga mulingkod si Senator Sonny Angara isip kalihim sa DepEd kung mahimong epektibo ang pagluwat sa puwesto ni Vice President Sara Duterte sa Deped.
Gikumpirma ni Poa, nga mao usab ang chief-of-staff ni Vice President Sara Duterte, ang pagresign niya ug sa uban pang opisyal pagkahuman nga gipaambit ni Sen. Sonny Angara ang balita sa usa ka ambush interview.
Gawas kang Poa, ang 4 pa nga opisyal nga nagresign mao silang Nolasco A. Mempin, DepEd Undersecretary for Administration; Sunshine A. Fajarda, DepEd Assistant Secretary sa Office of the Secretary; Reynold S. Munsayac, DepEd Assistant Secretary for Procurement ug Noel T. Baluyan, DepEd Assistant Secretary for Administration.
Gipaklaro ni Poa nga ang iyang pagresign aron hatagan ug higayon si incoming Sec. Angara nga magtuboy ug mga bag-ong opisyal sa DepEd.
