GENERAL SANTOS CITY – Padayon ang paghakot ug bulwang medalya sa nagpadayong Palarong Pambansa 2024 didto sa Cebu ang mga atleta sa Elementary ug sekondarya sa region 12.
Sa karon, aduna nay 5 ka gold medal ang Soccsksargen Region, kung asa usa sa nakatampo niini si Cyron B. Sepi Jr. gikan sa Tacurong Pilot Elementary School ang gold medal alang sa dulang sa arnis partikular sa Individual Likha Anyo Double Weapon-Elementary Boys.
Samtang, misakmit usab ug gold medal si Jie Angela Mikaela Talosig sa Holy Trinity College sa 400m Freestyle Swimming Secondary Girls. Gold medalist usab si Christian Isaiah Lagnason sa swimming 200 meter freestyle -elementary boys.
Si Lagnason ang garbo sa Pedro Acharon Sr. Central Elementary School sa Gensan. Nasakmit usab ni Lourd Jaustin Lima nga nagtungha sa Josue S. Alcasid Central School sa Tacurong City ang gold medal sa Arnis Individual Likha Anyo Espada Y Daga- Elementary Boys.
Si John Leovy Casa ang gold medalist usab athletics- Discus Throw Elem. Boys. Ang nasampit gikan sa Hector Lacson Elementary School sa Tacurong City.
