Gipaambit ni First Lady Liza Marcos ang usa ka hulagway kung asa gibisita siya sa duha ka anak ni Kris Aquino nga silang Bimby ug Joshua sa opisina sa First Lady sa sulod sa compound sa Malacanang Palace.
Sa facebook post ni First Lady Liza Marcos gipasalamatan niini ang pagbisita kaniya sa mga pag-umangkon ni anhin Pangulong Noynoy Aquino.
Sumala sa Unang Ginang, nalipay siya sa pagbisita sa duha ka anak sa aktres nga si Kris Aquino nga kasamtangang anaa sa Amerika ug nagpatambal sa iyang sakit.
Nailhan ang mga Aquino ug Marcos nga kanunay nga gihulagway isip magkaatbang nga pamilya kung asa si Cory Aquino ang midaug sa pagkapangulo human mapalagpot si Ferdinand Marcos, Sr. sa Malacañang sa pagtapos sa Martial Law.
Sa karon wala pa nagpagawas ug opisyal nga pahayag ang Presidential Communications Office kabahin sa pagbisita nilang Bimby ug Josh kang FL Liza Araneta Marcos.
