GENERAL SANTOS CITY – Halos nagsunod ang pagpamusil patay sa duha ka biktima sa duha ka barangay ning syudad kung asa babaye ang usa sa biktima.
Giila ang maong biktima nga si Anielyn Tumbagahan Pelayo, 39 anyos adunay live-in partner nga residente sa Zone 6, blk 11 Fatima ning syudad.
Ala singko y medya kagahapon, Hunyo 01, 2024 nakadawat ug tawag ang Fatima police station nga adunay shooting incident nga nahitabo ug dihang nagresponde ilang naabtan ang biktima nga nagkulob ug wala nay kinabuhi.
Nakuha sa crime scene ang upat ka basyo sa caliber 45 nga pusil.
Ikaduha nga biktima giila nga si Regan Faciol, 29 anyos nga residente sa Purok Santa Cruz Silway, Barangay Dadiangas West.
Usa ka lalaki matud pa ang nagpaabut sa biktima sa ilang gipuy-an ug dihang mipauli kini gipusil gamit ang wala matino nga armas.
Nakaangkon ug igo sa dughan ang biktima nga nagresulta sa pagkamatay niini.
Kahinumduman nga miaging sabado nagpahigayon ang syudad ug Purok Laban Krimen (PLK) Orientation sa Barangay Watchers nga gipahigayon sa Lagao Gymnasium. Ang B-Watchers ang namugna pianagi s a City Anti-Drug Abuse Council City Mayor’s Office – Integrated Barangay Affairs ug General Santos City Police Office.
