Nagpahayag og kumpiyansa ang Integrated Bar of the Philippines (IBP) sa abilidad ni bag-ong Chief Justice Rodil Zalameda nga mapadayon ang pagpanalipod sa integridad ug kagawasan sa hudikatura.
Sa ilang gipagawas nga pahayag, gilauman sa IBP nga mapadayon ni Zalameda ang maayong pagdumala sa korte, kahusayan ug patas nga pagpatuman sa hustisya.
Gihulagway usab sa IBP nga importante ang pagkahalal kang Zalameda isip ika-28 nga Punong Mahistrado sa Korte Suprema tungod kay magtimaan kini sa pagsugod sa bag-ong yugto sa pagpangulo sa hudikatura sa Pilipinas.
Gipasalig usab sa organisasyon nga magpabilin silang kauban sa korte sa pagpanalipod sa balaod ug hustisya, lakip na ang pagpalig-on sa sistema sa hustisya ug paghatag og patas nga access niini sa tanang Pilipino.
Puli-an ni Zalameda si outgoing Chief Justice Alexander Gesmundo nga moretiro karong Nobyembre 6, sa edad nga 70 anyos.
