Subling gihingusgan ni Bamban Tarlac Mayor Alice Guo nga wala kini koneksyon sa unsa mang Philippine Offshore Gaming Operator operations sa nasud busa sayop nga tawagon kining conspirator nga walay lig-ong ebidensya.
Gihimo sa mayor ang pahayag isip reaksyon sa reklamong Anti-Trafficking in Persons nga gipasaka batok kaniya sa Department of Justice sa Philippine National Police Criminal Investigation and Detection Group kauban sa Presidential Anti-Organized Crime Commission.
Gihingusgan ni Mayor Guo, ang pag-angkon lamang ug koneksyon sa mga kumpanya o indibidwal ang dili paigogn basehan aaron tawgon ang usa ka tawo nga kakunsabo.
Gibutyag ni Mayor Guo nga ang mga susamang akusasyon kinahanglan nga masuportahan ug upat ka ebidensya.
Sa iyang pamahayag nga wala siyay unsa mang kalambigitan o partisipasyon sa Zunn Yuan Technology, Inc. o unsa man nga POGO sa nasud.
Bisan nga wala pa nadawat ang kopya sa pormal nga reklamo, nagpabiling kumpiyansa si Mayor Guo nga walay paigo nga ebidensya nga maglambigit kaniya sa mga akusasyon.
Nanawagan si Mayor Guo nga imbestigahan pagmaayo ang mga kaso bag-o magpagawas ug unsa mang pahayag sa publiko.
Sumala niya nga morag giluto una sa publiko ug sa media ang mga alegasyon bag-o kini gipasaka batuk kaniya.
Andam si Mayor Guo nga tubagon ang mga akusasyon batuk kaniya.
