Russian Pres. Putin, nipasidaan sa posibleng paghatag og long-range weapons sa laing nasud arun atakehon ang Western targets

Mipasidaan si Russian President Vladimir Putin sa posibilidad sa paghatag og long-range weapon sa ubang mga nasud aron atakehon ang mga target sa kasadpan.

Kini agi’g tubag sa kasadpang mga kaalyado sa NATO nga nagtugot sa Ukraine sa paggamit sa ilang mga hinagiban sa pag-atake sa teritoryo sa Russia.

Gibarugan usab ni Putin ang kaandam sa Moscow sa paggamit sa mga nuclear weapons kung nakita nila ang hulga sa ilang soberanya.

Asoy pa niini nga mamahimo kining senyales sa direktang pag-apil sa West sa gubat batok sa Russian Federation ug susama silang andam sa paglihok sa samang pamaagi.