Kapin P8 million nga ilegal nga droga nakumpiska sa kapulisan sa Region 12

GENERAL SANTOS CITY – Kapin P8 million ang ang ilegal nga droga nga nakumpiska sa kapulisan sa rehiyon 12 gikan Disyembre 1, 2023 hangtud Pebrero 15, 2024.

Matud pa ni P/BGen. Jimli Macaraeg, Regional Director sa Police Regional Office 12 nga resulta kini nga mas hugot nga kampanya sa kapulisan kontra sa ilegal nga droga.Anaa sa 196 ka operasyon ang gihimo kung asa 222 ang naaresto samtang duha ang patay.

Anaa sa P8.1 million ang kantidad sa shabu og P18,500 ang mariwana.Nasuta nga anaaa 13 ka mga pusil ang nakumpiska og lima ang mga explosibo.

Gipaklaro sa maong opisyal nga walay shabu laboratory sa rehiyon 12 dungan sa pasalig nga dili sila mag-undang sa hugot nga kampanya kontra sa ilegal nga droga aron nga malikay ang katawhan.