GENERAL SANTOS CITY – Nagmalampuson ang tanang aktibidad sa ika- 46 nga patronal fiesta sa Sr. Sto. Niño sa Bula.
Kini human giangkon sa mga ototridad nga nasunod gayud ang plano sa siguredad nga giplastar sa Fiesta Directorate sa fluvial parade sa kapyestahan ni Sto. Niño.
Gisunod usab sa mga deboto ang inland procession. Nasayran nga sa milabayng Dominggo gipahigayon ang unang inland procession kung asa kapin gatos ka mga sakyaran nga adunay lulan nga mga santo Niño ang misalmot.
Samtang kagahapon sa bunatg gipahigayon ang fluvial parade kung asa anaa sa dos syentos ka mga fishing boat ang miapil sa prosisyon nga gikalambigitan sa mga barko, lantsa, pumpboat ug mga bangka gikan sa baybayon sa Bula paingon sa fishport ug pabalik nga rota sangko sa baybayon sa Barangay South.
Samtang gikan sa Barangay Dad. South gipahigayon na usab ang inland parade pabalik sa Sto. Niño de Bula Parish.
Sa kinatibuk-an hapsay ug malinawon ang fluvial parade karong tuiga.
