Mga stall owners sa palengke angayang mag-renew na sa business permit sumala sa public market administrator

GENERAL SANTOS CITY – Miapila si Lito Esclamado, public market administrator sa mga stall owners nga angayang mag-renew na sa business permit.

Matud pa niini nga kini gumikan pipila ka adlaw na lang deadline na sa renewal sa business permit nga gikatakda sa Enero 20,2024.

Sa iyang pamahayag nga mas dako ang bayaran oras nga malagpas sa deadline.

Kadtong dili magrenew ang ipasirad-an sa syudad ang negosyo.
Ang pag-renew sa business permit ang responsibilidad sa matag negosyante nga angayang himoon kada tuig.

Nasayran nga kapin sa 12,000 ang mga nagkuha og business permit sa miaging tuig og gilauman nga mosobra pa ning tuiga tungod milagsik na ang ekonomiya sa syudad.