GENERAL SANTOS CITY – Nagpagawas na ug advisory ang kapulisan alang sa fiesta ni Sto Niño de Bula aron mapabilin nga luwas ug hapsay ang selebrasyon sa maong adlaw.
Sa advisory kinahanglan nga ikandado ang tanan nga pultahan sa balay, siguruhon nga walay nagsiga nga kandila, nakasaksak nga appliances, abli nga stove o kaha gripo. Hipuson ang importante nga butang nga naa gawas sa balay, itugon sa silingan aron mabantayan ang panimalay ug likayan nga magbutang ug bisan unsa nga mensahe ug pahibalo nga ang inyong balay walay tawo.
Kahinumduman nga nagpahigayon ug security meeting ang barangay Bula ug Parish Pastoral council kalabutan sa ipatuman nga seguredad sa fiesta sa Sto Niño.
Luyo sa augmentation nga gisaad sa Police Regional Office 12 may syete syentos ka personahe ang magbantay sa palibut sa lugar nga adunay mga aktibidad kalabutan sa pagsaulog sa fiesta.
Enero trese dili na makasulod pa sa barangay ang mga sakyanan nga walay sticker samtang magpatuman ug truck ban.
Sa mao nag adlaw magbutang na ug road blocks ug lining aron dili kasudlan sa mga sakyanan.
Magbutang ug tulo ka help desk ang kapulisan sa pagpanguna ni Police Capt. Noel Cardos usa niini sa Queen tuna park, laing usa sa kilid sa simbahan uga ng ikatulo atbang sa Bula Police station.
