GENERAL SANTOS CITY – Nagpaklaro si ret. Col. Renato Padua, LTFRB 12 Director, kalabutan sa pagdelatar sa paghatag og fuel subsidy sa mga drivers sa mga pampublikong mga sakyanan.
Matud pa niini nga anaa na ang pondo apan dili mahatag sa mga drivers o operators gumikan sa election ban.
Hinoon iyang gipaklaro nga mihangyo sila og exemption sa Comelec apan wala pay tubag hangtud karon.
Sa iyang pamahayag nga anaa sa 6,957 ang mga benepisyaryo sa fuel subsidy sa tibook rehiyon 12.
Sa iyang pamahayag nga one time bigtime ang maong hinabang sa gobyerno ning tuiga alang sa modernize UV express P10,000 samtang P6,500 sa uban nga moda sa transportasyon.
Ang maong fuel subsidy ang tabang sa gobyerno sa mga drivers nga naapektuhan sa padayon nga pagtaas sa presyo sa produktong petrolyo..
